بسمة وهبة تكشف عن مرضها وخضوعها لعملية جراحية غدا.. وتفاصيل تعرض صديقتها للخيانة الزوجية

الإعلامية بسمة وهبة تتصدر محرك البحث جوجل حيث كشفت عن تفاصيل مرضها في مقطع فيديو على صفحتها الشخصية على “إنستجرام”، وستكون في المملكة المتحدة غدا الاثنين في العاصمة لندن تخضع لعملية جراحية، بالإضافة إلى تعرض صديقتها لخيانتها الزوجية من أحد المقربين لها.

وكشفت بسمة وهبة عن مرضها وقالت أنها تقيم الآن في لندن وقالت: “أنا بقالي شهر تعبانة، بس أنا النهارده حسيت ان انا تعبانة أكتر من أي يوم، أنا تعبانة عضويًا لكن النهارده نفسيًا، وعندي عملية بعد يومين “.

 

بسمة وهبة عن تعرض صديقتها للخيانة الزوجية من مقربين لها:

وأضافت “بسمة” قصة تعرض صديقتها للخيانة الزوجية وقالت: “تعبت نفسيًا أكثر من التعب الجسدي، بسبب واقعة تعرضت لها صديقة عمرى، جوزها طلقها واتجوز صاحبتها، وصاحبتها دي هو اللي طلقها من جوزها” وكانت في حالة تعجب شديدة لأن طليق زوجته الجديدة كان صديقًا مقربًا جدا له.

ثم تابعت حديثها قائلة: “والست دي إسمها داليا، خص عليكي يا داليا يا لصة يا خطافة الرجالة”.

وظن المتابعين أن بسمة وهبة تقصد الفنانة داليا البحيري فردت قائلة: “مش داليا البحيري يا جماعة محدش يكتبلي داليا البحيري، دي واحدة إسمها داليا نكرة، وصاحبتي أحسنت لداليا دي، ووقفت جنبها، وجوزتها وجابتلها العريس ده، وكانت بتخليها تبات معاها في البيت ويعيشوا مع بعض”.

وتابعت في إستغراب قائلة: “وهو أخرة ده ان انا ادخل بيت الناس وأسرق جوزها، السرقة مش متوقفة على الخواتم والفلوس بس، واللس حصل ده كان نصب واحتيال تحت إطار الزواج، بيزنس”.

 

رسالة من بسمة وهبة لصديقتها
ثم وجهت رسالة لصديقتها قائلة “وبقول لصاحبتي إوعي تزعلي ده ربنا بيحبك، وبقول لأي واحدة خلي بالك وماتحكيش أسرار بيتك لصاحبتك”.

 

رسالة بسمة وهبة لجمهورها ومتابعيها
وأختتمت بسمة وهبة قائلة: “ادعولي، وحشتوني والبرنامج وحشني ومصر وحشتني، وعارفة إن ربنا هيكرمني، وإن كل حاجة ربنا بيعملها بتبقي خير، وبعد العملية هارجع للساحل والميه والهدوء، استمتعوا بالطبيعة وكل واحد يخلي باله من بيته علشان اللصوص كتروا أوي دلوقتي”.